Urtarrilean, Bastidan urrats oso garrantzitsua eman genuen, Bilboko Ametzola plazan gure lokal berria irekita. Gune berri hau hazten jarraitzeko eta prestakuntza zabalagoa, praktikoagoa eta hurbilagoa eskaintzeko sortu da.
Zentro berriak 500 metro koadro izango ditu, tailerren eta ikasgela teorikoen artean banatuta. Horrela, prestakuntzarako ingurune moderno, funtzional eta gaur egungo beharretara egokitua eskainiko dugu. Espazio berri hau ikaskuntza kalitatezkoa bermatzeko pentsatuta dago, prestakuntza praktikoa eta teorikoa modu egokian uztartzeko prestatutako instalazioekin.
Instalazio berri hauetan langabeei eta lanean ari diren pertsonei zuzendutako prestakuntza eskainiko dugu, lanbide-kualifikazioa hobetzeko eta sektore ezberdinetan lan-aukerak zabaltzeko helburuarekin.
Lokal berrian eskainiko diren ikastaroen artean honako hauek izango dira:
- Administrazioa
- Segurtasun pribatuko zaintzailea
- Ingelesa, maila ezberdinetan
- Frantsesa, maila ezberdinetan
- Gizarte-erakundeetako mendekotasuna duten pertsonei arreta soziosanitarioa
- Argazkigintza
- Ofimatika
- Kontabilitatea eta nominak
- Lehen sorospenak
- Beste hainbat espezializazio- eta hobekuntza-ikastaro
Irekiera honekin, enplegura bideratutako prestakuntza erabilgarri, hurbil eta kalitatezkoarekiko dugun konpromisoa indartzen dugu. Horrela, aukera berriak eskainiko dizkiegu lan-merkatuan sartu nahi duten pertsonei, beren profil profesionala hobetu nahi dutenei edo beren ibilbidean aurrera egin nahi dutenei.
Bilboko lokal berri hau ikasteko, hazteko eta erronka profesional berrietarako prestatzeko diseinatutako espazioa izango da, Bastidaren berezko hurbiltasuna eta prestakuntza-kalitatea mantenduz
